ប្រធានគណបក្សខ្មែរអភិវឌ្ឍន៍សេដ្ឋកិច្ច និយាយថា រូបខ្ញុំសូមអរគុណយ៉ាងខ្លាំងចំពោះពិភពលោកជាពិសេស គឺប្រទេសកូរ៉េខាងត្បូង ដែលទីបំផុតបុស្តិ៍ទូរទស្សន៍ធំ KBS1 របស់កូរ៉េខាងត្បូង បានទៅដល់ថតចុះផ្សាយអំពីការ ខូចខាតរងទុក្ខវេទនា របស់ប្រជាជនខ្មែរ ដោយសារការរំលោភបំពាន របស់ចោរសៀមបំភ្លៃការពិត និងបំភ្លៃ ប្រវត្តិសាស្ត្រមិនចេះខ្មាស់ ។

សកម្មភាពអ្នកសារព័ត៌មានស្រីម្នាក់របស់កូរ៉េខាងត្បូងគាត់បាននិយាយថា ប្រជាជនខ្មែរយើងនៅតាមតំបន់ រងគ្រោះទាំងនោះគ្រាន់តែបានឃើញដ្រូនដែលពួកគាត់បង្ហោះដើម្បីថតពីទិដ្ឋភាពពីខាងលើនោះមក ក៏ពួកគាត់ មានការភ័យខ្លាចដែរ ដោយសារគិតថានោះជាដ្រូនទំលាក់គ្រាប់របស់ពួកសៀម ។

អ្នកសារព័ត៌មានបន្ថែមទៀតថា ការដែលគាត់ទៅយកព៍ត័មានទាំងនេះ ដោយសារតែមានតែការផ្សាយអំពី ការខូចខាតខាងសៀម ចំណែកខ្មែរយើងមិនមានចុះផ្សាយទេ ។ គាត់បានថតបានបង្ហាញការខូចខាតផ្ទះ សំបែងវត្តអារាម សាលារៀន មណ្ឌលសុខភាព និង របងលួសបន្លារដែលខាងពួកវារំលោភយកដីប្រជាជន ខ្មែររយើង ។ល។

លោក ហួន ច័ន្ទថុន បន្តថា ខ្ញុំសង្ឃឹមថា ពិភពលោក ពិសេសគឺអង្គការសិទ្ធិមនុស្សអន្តរជាតិ អាចនឹងមាន ចំណាត់ការជួយយកអាសារពលរដ្ឋខ្មែរ ដែលកំពុងរងគ្រោះដោយសារគម្រាមកំហែងពីភាគីសៀមមិនឈប់ មនឈរផង ។ ពលរដ្ឋខ្មែរទាំងអស់សង្ឃឹមថា អន្តរជាតិដែលមានប្រទេសអ្នកប្រកាន់ច្បាប់សកលលោក អាចជាជួយយកអាសារពួកគាត់ឲ្យទទួលបានសិទ្ធិរស់រានមានជីវិតប្រកបដោយភាពសុខដុមឡើងវិញផង៕