ព្រឹកថ្ងៃសុក្រ ១៤កើត ខែស្រាពណ៍ ឆ្នាំម្សាញ់ សប្តស័ក ពុទ្ធសករាជ ២៥៦៩ ត្រូវនឹងថ្ងៃទី៨ ខែសីហា ឆ្នាំ២០២៥ លោកបណ្ឌិត ហែម ប្រសើរ ដឹកនាំក្រុមការងារចុះលើកស្លាកសាខាសមាគមសម្ព័ន្ធភាពអ្នកសារព័ត៌មានក្នុង សន្តិភាពប្រចាំស្រុកអង្គស្នួល ស្ថិតនៅភូមិព្រៃមាន ឃុំព្រៃពួច ស្រុកអង្គស្នួល ខេត្តកណ្តាល ។

ពិធីនោះដែរក៏មានការប្រកាសតែងតាំង សមាសភាពថ្នាក់ដឹកនាំសាខាសមាគមសម្ព័ន្ធភាពអ្នកសារព័ត៌មានក្នុង សន្តិភាពប្រចាំស្រុកអង្គស្នួល មានដូចខាងក្រោម៖ ១- លោក ចាន់ រីម ជាប្រធាន ២- លោកស្រី ចាន់ រ៉េត ជាអនុ ប្រធាន ៣- លោក អ៊ែល បណ្ឌិត ជាលេខាធិការ ៤- លោក ឡូញ ដារ៉ា ជាហេរញ្ញិក ៥- លោក ច្រូច សារិន ជាសមាជិក ៦- លោក ផុន អឿន ជាសមាជិក ។

លោកបណ្ឌិតក៏បានផ្ដាំផ្ញើដល់ក្រុមការងារសាខាសមាគមទាំងអស់ ឲ្យខិតខំប្រឹងប្រែងយកចិត្តទុកដាក់ក្នុងស្វែងរក ព័ត៌មានល្អៗជួយសង្គមជាតិ ផ្សព្វផ្សាយ ហេដ្ឋារចនាសម្ព័ន្ធ ផ្លូវថ្នល់ សាលារៀនមន្ទីរពេទ្យ វត្តអារាម វិហារ សាសនា ដែលជាសមិទ្ធផល រាជរដ្ឋាភិបាលដែលបានខិតខំប្រឹងប្រែងអភិវឌ្ឍន៍ប្រទេសជាតិឲ្យបានរីកចម្រើនជឿន លឿន ។

លោកប្រធានសាខាស្រុក នៃសមាគមបានប្ដេជ្ញាចិត្តថា នឹងខិតខំប្រឹងប្រែងក្នុងការបំពេញភារកិច្ចឲ្យបានល្អប្រសើរ ក្នុងការរួមចំណែកជួយផ្សព្វផ្សាយសមិទ្ធផល និងសកម្មភាពល្អៗនៅមូលដ្ឋានដែលជាការខិតខំប្រឹងប្រែង របស់ អាជ្ញាធរថ្នាក់ក្រោមជាតិក្នុងការចូលរួមចំណែកកសាង និងអភិវឌ្ឍន៍ប្រទេសជាតិ ។

លោកបណ្ឌិតបានមានប្រសាសន៍ និងណែនាំ ប្រឆាំងព័ត៌មានក្លែងក្លាយ ដែលជាយុទ្ធនាការរបស់ក្រសួងព័ត៌មាន ក្នុងដំណាក់កាលធ្វើយុទ្ធនាការនៅតាមបណ្ដារាជធានីខេត្ត ក្រុង ស្រុក ខណ្ឌ ឆ្លើយតប ក្រុមជនអគតិមួយចំនួន បានព្យាយាមបង្កើតព័ត៌មានក្លែងក្លាយជាច្រើនក្នុងគោលបំណង ដើម្បីបំភ្លៃការពិតពីសង្គមកម្ពុជា និងបង្កើតការ ញុះញង់ផ្សេងៗ ។

ជាចុងបញ្ចប់ នៃកម្មវិធី លោកបណ្ឌិត ហែម ប្រសើរ ប្រធានសមាគមសម្ព័ន្ធភាពអ្នកសារព័ត៌មានក្នុងសន្តិភាព បាទអំពាវនាវថា សូមបងប្អូនផ្ទៀងផ្ទាត់ឱ្យបានច្បាស់ ឬពិនិត្យឱ្យបានគ្រប់ជ្រុងជ្រោយ មុននឹងជឿ ឬចែករំលែក បន្ត ។ ការមិនចែករំលែកព័ត៌មានដែលគ្មានប្រភពច្បាស់លាស់ ឬព័ត៌មានរបស់ក្រុមជនអគតិដែលតែងតែបង្កើត ព័ត៌មានក្លែងក្លាយ បំភ្លៃ បំផ្លើសខុសពីការពិត គឺជាការចូលរួមទប់ស្កាត់ព័ត៌មានក្លែងក្លាយ និងធ្វើឱ្យមានសុវត្ថិភាព ផ្នែកព័ត៌មានសម្រាប់អ្នកប្រើប្រាស់!

" រួមគ្នាប្រឆាំងព័ត៌មានក្លែងក្លាយ! "