ថ្ងៃអាទិត្យ ១កើត ខែភទ្របទ ឆ្នាំម្សាញ់ សប្តស័ក ពុទ្ធសករាជ ២៥៦៩ ត្រូវនឹងថ្ងៃទី២៤ ខែសីហា ឆ្នាំ២០២៥ នៅវត្តកំពង់ហ្លួង ស្ថិតនៅភូមិកំពង់ហ្លួង ឃុំអង្គរបុរី ស្រុកអង្គរបុរី ខេត្តតាកែវ ថ្នាក់ដឹកនាំសម្ព័ន្ធភាពបណ្ដុំសមា គមអង្គការសង្គមស៊ីវិល២២ អង្គភាព និងថ្នាក់ដឹកនាំគណបក្សនយោបាយ មួយចំនួន ដឹកនាំដោយឯកឧត្តម បណ្ឌិត ហែម ប្រសើរ ចូលរួមកម្មពិធី បួងសួងដើម្បីសុំសេចក្តីសុខចម្រើនជូនដល់ប្រមុខថ្នាក់ដឹកនាំជាតិ ប្រជា ពលរដ្ឋ កម្ពុជា និងវីរៈកងទ័ពសមរភូមិមុខ ។

ពីធីបួងសួងនោះដែរ ក៏មានការអញ្ជើញចូលរួមពីសំណាក់ ឯកឧត្តម លោកជំទាវ លោក លោកស្រី ថ្នាក់ដឹកនាំ នៃសម្ព័ន្ធភាពបណ្តុំសមាគមអង្គការសង្គមស៊ីវិល ព្រមទាំង ឯកឧត្តម លោកជំទាវ លោក លោកស្រី ដែលជាប្រ ធាននៃសមាគមអង្គការទាំង ២២ អង្គភាព ជាសមាជិក នៃសម្ព័ន្ធភាពបណ្តុំសមាគមអង្គការសង្គមស៊ីវិល ក្នុង នោះក៏មានការចូលរួមពីសំណាក់ឯកឧត្តម លោកជំទាវ លោក លោកស្រី ជាថ្នាក់ដឹកនាំគណបក្សនយោបាយ មួយចំនួន គណៈអភិបាលស្រុកស្រុកអង្គរបុរី អាជ្ញាធរឃុំ អ្នកសច្ចំ និងប្រជាពលរដ្ឋជាច្រើនរូបផងដែរ ។

ឯកឧត្តមបណ្ឌិត ហែម ប្រសើរ បានបញ្ជាក់ថា គោលបំណងនៃការរៀបចំកម្មពិធីនេះឡើង គឺដើម្បី ធ្វើកិច្ចបួង សួងសុំសេចក្តីសុខចម្រើនជូនដល់ប្រមុខថ្នាក់ដឹកនាំ ជាពិសេស សម្តេចមហាបវរធិបតី ហ៊ុន ម៉ាណែត នាយក រដ្ឋមន្ត្រី នៃព្រះរាជាណាចក្រកម្ពុជា និង សម្ដេចអគ្គមហាសេនាបតីតេជោ ហ៊ុន សែន ប្រធានព្រឹទ្ធសភា នៃ ព្រះរាជាណាចក្រកម្ពុជា និងសូមបួងសួងជូនដល់វីរកងទ័ព និងប្រជាពលរដ្ឋកម្ពុជាទាំងអស់ទទួលបាននូវសេចក្តី សុខចម្រើន និងទទួលបានសុខសន្តិភាពជារៀងរហូត ព្រមទាំងគោរពវិញ្ញាក្ខ័ន នឹកគុណដល់បុព្វបុរស វីរៈកងទ័ព ដែលបានពលីជីវិតនៅក្នុងសមភូមិជួរមុខ ៕