មេបុស្តិ៍ពោធ៍អង្ក្រងមួយរូប ដែលគេដឹងថា ទើបតែឡើងកាន់ដំណែងថ្មីៗ ស្រាប់តែបានបាញ់ទៅលើបុរស២នាក់ បណ្តាលឲ្យស្លាប់១នាក់ ហើយជនសង្ស័យក៏រត់គេចខ្លួនបាត់ ដោយហេតុការណ៍មួយនេះកើតឡើងនៅភូមិ ក្រយូង ឃុំពោធិ៍អង្ក្រង ស្រុកបរសេដ្ឋ ខេត្តកំពង់ស្ពឺ ។ កាលពីយប់ថ្ងៃទី03 ខែតុលា ឆ្នាំ2025 នេះ....

បើតាមសាក្សីបានឲ្យដឹងថា បុរសពីនាក់បានជិះម៉ូតូទៅទិញទឹកកកនៅពេលយប់ថ្ងៃទី03 ខែតុលា ឆ្នាំ2025 ក៍បានជួបនិងកម្លាំងសមត្ថកិច្ចរបស់បុស្តិ៍នគបាល ពោធ៍អង្ក្រង ស្រុកបរសេដ្ឋ ដេញតាមពីក្រោយ ហើយបាន បាញ់លើជនរងគ្រោះទាំងពីរនាក់នោះបណ្តាលអោយស្លាប់ម្នាក់ភ្លាមៗនៅកន្លែងកើតហេតុតែម្តង ក្រោយមក មេប៉ុស្តិ៍ដោះសារថា កាំភ្លើងខ្លួនរាលកៃ ។

បើតាមការបញ្ជាក់ពីរសមត្ថកិច្ចថា មុនពេលកើតហេតុ មេប៉ុស្តិ៍ខាងលើបានឃាត់អោយជនរងគ្រោះឈប់ម៉ូតូ តែជនរងគ្រោះមិនព្រមឈប់ ហើយបម្រុងជិះបុកទៀតផងទើបជនសង្ស័យទាញកាំភ្លើងបាញ់តែម្តងទៅ ប៉ុន្ដែ សាក្សីដែលបានឃើញហេតុការណ៍ថា សកម្មភាពនេះជាការប៉ុនប៉ងមនុស្សឃាត ដោយមានបំណងបាញ់ ចំកណ្ដាលដើមទ្រូង ទៅលើជនរងគ្រោះតែម្តង ។

ទោះជាយ៉ាងណាក្តី នៅពេលបច្ចុប្បន្ននេះ កម្លាំងសមត្ថកិច្ចកំពុងតាមចាប់ជនសង្ស័យហើយ ដើម្បីយកមក ដាក់ទោសទណ្ឌតាមនិតិវិធីច្បាប់ ដោយឡែករីឯសពជនរងគ្រោះវិញ ក៏ត្រូវបានសមត្ថកិច្ចប្រគល់ជូនទៅក្រុម គ្រួសារសព ដើម្បីយកទៅធ្វើបុណ្យតាមប្រពៃណី ផងដែរ ៕