នៅព្រឹកថ្ងៃទី០៣ ខែកញ្ញា ឆ្នាំ២០២៤នេះ ឯកឧត្តម ហែម ប្រសើរ ទីប្រឹក្សាផ្ទាល់សម្តេចអគ្គមហាសេនាបតី តេជោ ហ៊ុន ប្រធានព្រឹទ្ធសភា បានពាំនាំយកអំណោយដ៏ថ្លៃថ្លារបស់សម្តេច ចុះសួរសុខទុក្ខអតីតបេក្ខភាពក្រុម ប្រឹក្សាឃុំ សង្កាត់ចំនួន២ឃុំ គឺមានឃុំត្រើយស្លា និងឃុំប្រាសាទ ក្នុងស្រុកស្អាង ខេត្តកណ្តាល ។

អតីតបេក្ខភាពក្រុមប្រឹក្សាឃុំសង្កាត់ទាំងពីរ គឺមានម្នាក់ជាបេក្ខភាពក្រុមប្រឹក្សាឃុំសង្កាត់មកពី គណបក្សភ្លើង ទៀន មានទីលំនៅក្នុងឃុំត្រើយស្លា និងម្នាក់ទៀតនៅឃុំប្រាសាទ ក៏ជាបេក្ខភាពគណបក្សភ្លើងទៀន ដូចគ្នាផងដែរ ដោយពួកគាត់ទាំងពីរមានបញ្ហាសុខភាពប្រចាំកាយ ទើបថ្ងៃនេះត្រូវបានឯកឧត្តម ហែម ប្រសើរ បានពាំនាំយក អំណោយទៅប្រគល់ជូន និងបានសាកសួរនូវទុក្ខដែលជាក្តីបារម្ភស្រឡាញ់មិនអាចកាត់ថ្លៃបាន របស់សម្តេច តេជោ ។

ជាក់ស្តែងអំណោយទាំងអស់នោះ រួមមានគ្រឿងបរិភោគ អង្ករ ទឹកត្រី ទឹកស៊ីអីវ មី និងថវិកា មួយចំនួន ហើយ ស្ថិតនៅក្នុងឧិកាសនោះផងដែរ ឯកឧត្តម ហែម ប្រសើរ បានមានប្រសាសន៍ថា លោកទាំងពីរថ្វីបើអតីតជាបេក្ខ ភាពក្រុមប្រឹក្សាឃុំសង្កាត់គណបក្សភ្លើងទៀន ក៏ពិតមែន ប៉ុន្តែនៅពេលបច្ចុប្បន្នពួកគាត់បានក្លាយជាសកម្មជន របស់គណបក្សប្រជាជនកម្ពុជាហើយ ជាក់ស្តែងជានិច្ចជាកាលរាល់សមាជិកគណបក្សប្រជាជនកម្ពុជាទាំងអស់ មិនថានៅទីណាកន្លែងណា គឺតែងទទួលបានការយកចិត្តទុក្ខដាក់ និងក្តីស្រឡាញ់ពីសម្តេចតេជោ ដែលជាប្រធាន គណបក្សស្មើៗគ្នាជានិច្ច ។

នាចុងបញ្ចប់ឯកឧត្តម ហែម ប្រសើរក៏បានផ្តាំផ្ញើដល់ពួកគាត់ទាំងពីរ ធ្វើយ៉ាងណារក្សាសុខភាពឲ្យបានល្អ និង ជូនដំណឹងដល់ថ្នាក់ដឹកនាំឲ្យបានឆាប់រហ័សរាល់ពេលដែលមានបញ្ហាអ្វីកើតឡើង ដោយត្រូវមានជំនឿចិត្តឲ្យ បានមុតមាំថា ថ្នាក់ដឹកនាំរបស់យើងគឺនៅជាមួយយើងជានិច្ចគ្រប់ពេល និងគ្រប់កាលៈទេសៈ ៕