តាមរយៈផេកផ្លូវការរបស់ឯកឧត្តម ហួន ច័ន្ទថុន ដែលបានបង្ហោះសំណេកាលពីល្ងាចថ្ងៃទី១៧ ខែកក្កដា ឆ្នាំ២០២៤ នេះ គឺបានឃើញមានខ្លឹមសារថា រូបខ្ញុំពិតជាមានការព្រួយបារម្ភជាខ្លាំង មិនគួរណាមានគ្រោះធម្មជាតិបង្កឡើងធ្វើ ឲ្យបងប្អូនមានផលលំបាកសោះនោះទេ ក៏ព្រោះថាក្នុងរដូវនេះ គឺគ្រាន់តែចូលក្នុងរដូវវស្សាមិនប៉ុន្មានខែនោះសោះ បែរជាទឹកជំនន់ជន់ពេញទំហឹងលាតសន្ធឹងបំផ្លិចបំផ្លាញផលដំណាំ ជាពិសេសគឺបំផ្លាញប្រព័ន្ធហេត្ថារចនាផ្លូវថ្នល់ ដែលថ្នាក់ដឹកនាំគ្រប់លំដាប់ថ្នាក់ មិនធ្លាប់បានរំពឹងទុកសោះតែម្តង ។

នៅក្នុងសំណេរបស់ឯកឧត្តម ហួន ច័ន្ទថុន បានបន្តថា រូបខ្ញុំសង្ឃឹមថា គ្រោះទឹកជំនន់ជន់លិចទាំងអស់នេះ អាចនឹង ឆាប់ស្រកស្រត់ឲ្យបានឆាប់ៗវិញ តែទោះជាយ៉ាងណាក្តី ខ្ញុំក៏សូមសំណូមពរដល់ពុកម៉ែបងប្អូនទាំងអស់ សូមមេត្តា មានការប្រុងប្រយ័ត្នឲ្យបានខ្ពស់ចំពោះសត្វអសិរពឺលផ្សេងៗដែលវាអាចបង្កជាហានីភ័យដល់ពុកម៉ែបងប្អូនបាន ក៏ ព្រោះតែទឹកជំនន់ជន់បំផ្លាញជម្រកពួកវា ។

លើសពីនេះនៅពេលទឹកស្រក ក៏អាចជាហានីភ័យផ្សេងៗផងដែរ តាមរយៈជម្ងឺដង្កាត់នានាដល់ពុកម៉ែបងប្អូន ដូច្នេះ សូមពុកម៉ែបងប្អូនព្យាយាមរក្សាទុកនូបថ្នាំសង្កូវផ្សេងៗឲ្យបានជាប់ជាប្រចាំ ការពារនៅពេលយប់ព្រលប់កើតមាន ជម្ងឺ ឬក៏ហានីភ័យនានា ដោយមិនអាចស្វែងរកពេទ្យបានជួយទាន់ពេលវេលា ។