ពិតជាខ្លោចចិត្តនឹងស្រណោះទៅដល់ព្រះសាមណេជាច្រើនអង្គដែលនៅវ័យកុមារភាពតូចៗ ហើយចង់បានការ សិក្សារៀនសូត្រជាខ្លាំង នៅក្នុងស្ថានភាពមួយដែលអាកាសធាតុកំពុងបានក្តៅកម្តៅរហូតដល់ទៅជាង៤០អង្សា ទៅហើយ ប៉ុន្តែប្រសិនបើយើងត្រឡប់ក្រឡេកមកមើលសាលាដែលព្រះសង្ឃកំពុងរៀនសូត្រ គឺឃើញថា នៅមាន សភាពខ្វះខាតជាខ្លាំង មានតែដំបូលគ្មានជញ្ជាំង និងគ្រឿងបរិហាររៀនសូត្រ គឺពុំបានល្អគ្រប់គ្រាន់ដូចបណ្តាព្រះ សង្ឃដ៏ទៃនៅឡើយ ។

បើតាមព្រះគ្រូ ចៅអធិការវត្តបានមានសង្ឃដេកាថា នៅក្នុងវត្តគន្ធបុប្ផារ៉ាមនេះ ព្រះសាមណេមានចំនួន១៤អង្គ ព្រះភិក្ខុមាន២ព្រះអង្គ ដោយព្រះអង្គសូមអំពាវនាវដល់សប្បុរសជនទីជិតឆ្ងាយទាំងអស់ សូមអំពាវនាវឧបត្ថម្ភ គាំទ្រ ដល់សាលារៀនសម្រាប់ព្រះសង្ឃបានសិក្សារៀនសូត្រ ដើម្បីបានជាប្រយោជន៍សម្រាប់សាសនា តាមទឹក ចិត្តនិងសទ្ធាជ្រះថ្លា រៀងៗខ្លួនផងចុះ ។

គួរបញ្ជាក់ថា វត្តគន្ធបុប្ផារាម ហៅវត្តអូរគគី មានទីតាំងក្នុងភូមិបៀតសូរ ឃុំខ្ទុំក្រាំង ស្រុកសំរោងទង ខេត្តកំពង់ស្ពឺ
សប្បុរសជនលោកអ្នកដែលមានសទ្ធា អាចទំនាក់ទំនងចូលរួមកុសលផលបុណ្យជាមួយព្រះគ្រូចៅអធិការវត្តបាន តាមរយៈលេខទូរស័ព្ទ 066 85 88 98 / 070 28 27 36 ៕