ការពិនិត្យ ព្យាបាល និងវះកាត់ជំងឺភ្នែក ពីសំណាក់ក្រុមគ្រូពេទ្យស្ម័គ្រចិត្តឯកឧត្តម ហ៊ុន ម៉ានី ដោយឥតគិតថ្លៃ ត្រូវបានធ្វើឡើងនៅមន្ទីរពេទ្យបង្អែកខេត្តស្ទឹងត្រែង នាព្រឹកថ្ងៃទី២០ ខែឧសភា ឆ្នាំ២០២៤ ដោយមានប្រជាពល រដ្ឋយ៉ាងច្រើនកុះករមកពិនិត្យ ព្យាបាល។

ការចុះពិនិត្យព្យាបាលនិងវះកាត់ជំងឺភ្នែក ពីសំណាក់ក្រុមគ្រូពេទ្យស្ម័គ្រចិត្តឯកឧត្តម ហ៊ុន ម៉ានី ដោយឥតគិតថ្លៃ ជូនប្រជាពលរដ្ឋខេត្តស្ទឹងត្រែងនេះ ចាប់ផ្តើមឡើងពីថ្ងៃទី២០ រហូតដល់ថ្ងៃទី២៤ ខែភសភា ឆ្នាំ២០២៤ នេះបើ យោងតាមការឲ្យដឹងពីសំណាក់លោកវេជ្ជបណ្ឌិត ស៊ុយ សុភាព ប្រធានមន្ទីរពេទ្យបង្អែកខេត្តស្ទឹងត្រែង និងអនុ ប្រធានប្រតិបត្តិក្រុមការងារគ្រូពេទ្យស្ម័គ្រចិត្តឯកឧត្តម ហ៊ុន ម៉ានី និងជាប្រធានមន្ទីរពេទ្យខេត្តស្ទឹងត្រែង ។

លោកវេជ្ជបណ្ឌិត ស៊ុយ សុភាព បានលើកឡើងបន្ថែមថា ការផ្តល់សេវាពិនិត្យព្យាបាល និងវះកាត់ជំងឺភ្នែកដោយ ឥតបង់ថ្លៃពីក្រុមការងារគ្រូពេទ្យស្ម័គ្រ ចិត្ត ឯកឧត្តម ហ៊ុន ម៉ានី គឺជាកាសហការជាមួយ មន្ទីរសុខាភិបាលខេត្ត ស្ទឹងត្រែង កម្មវិធីជាតិសុខភាព ភ្នែក និងមូលនិធិថែទាំសុខភាពភ្នែក (EYE CARE FOUNDATION ) ដែលមានវេជ្ជ បណ្ឌិតឯកទេស ដែលមានជំនាញច្បាស់លាស់។

លោកបញ្ជាក់ថាកន្លងមកក្រុមគ្រូពេទ្យស្ម័គ្រចិត្ត ឯកឧត្តម ហ៊ុន ម៉ានី តែងតែចុះពិនិត្យព្យាបាលជំងឺជូនប្រជាពល រដ្ឋនៅមូលដ្ឋានទូទាំងខេត្តស្ទឹងត្រែង ដែលនេះបង្ហាញពីការយកចិត្តទុកដាក់លើកកម្ពស់សុខភាពប្រជាជន ។ ដោយឡែកចំពោះការចុះពិនិត្យ ព្យាបាល និងវះកាត់ជំងឺភ្នែក ពីសំណាក់ក្រុមគ្រូពេទ្យស្ម័គ្រចិត្តឯកឧត្តម ហ៊ុន ម៉ានី តែងតែរៀបចំឡើងជារៀងរាល់ឆ្នាំនៅមន្ទីរពេទ្យបង្អែកខេត្តស្ទឹងត្រែង។

ជាមួយគ្នានេះលោកវេជ្ជបណ្ឌិត ស៊ុយ សុភាព ក៏បានអំពាវដល់ប្រជាពលរដ្ឋដែលមានបញ្ហា ឬជំងឺភ្នែកសូម អញ្ជើញទទួលសេវា ពិនិត្យ ព្យាបាល និងវះកាត់ជំងឺភ្នែក ជាមួយក្រុមគ្រូពេទ្យស្ម៏គ្រចិត្តឯកឧត្តម ហ៊ុន ម៉ានី នៅ មន្ទីរពេទ្យបង្អែកខេត្តស្ទឹងត្រែងចាប់ពីម៉ោង៨:០០នាទីព្រឹក ថ្ងៃទី ២០ ដល់ថ្ងៃទី២៤ ខែឧសភា ឆ្នាំ២០២៤នេះ តទៅ៕