នោះពិតជាក្លាហានពិតមែនប្អូនប្រុស ដើម្បីចង់ឈ្នះចិត្តឪពុកម្តាយស្តីបន្ទោសរឿងតិចតួច បែរជាសម្រេចធ្វើ អត្តឃាតចង.កសម្លាប់ខ្លួនទាំងក្មេងវ័យ ដែលធ្វើអ្នកដែលបានដឹងរឿងហើយ មិនសសើទាំងហួសចិត្តមិនបាន ។

តាមសេចក្តីរាយការណ៍បានឲ្យដឹងថា នៅវេលាម៉ោង១៣ និង៣១នាទីនៅថ្ងៃទី១៣ ខែឧសភា ឆ្នាំ២០២៤នេះ
សមត្ថកិច្ចប៉ុស្តិ៍នគរបាលរដ្ឋបាលស្ពានមានជ័យបានទទួលបានការរាយការណ៍ពីប្រជាពលរដ្ឋ តាមរយៈលេខ ទូរស័ព្ទបញ្ជាក់ថា: មានករណីមនុស្សចង(ក)សម្លាប់ខ្លួន នៅចំណុចផ្ទះរបស់ឈ្មោះ យ៉ែម សិដ្ឋ ដែលអ្នកដែល ចង.កសម្លាប់ខ្លួននោះ គឺត្រូវជាកូនរបស់ម្ចាស់ផ្ទះតែម្តង ឈ្មោះ សិដ្ឋ រីសាល ភេទប្រុស ជនជាតិខ្មែរ អាយុ១៦ឆ្នាំ មុខរបរ សិស្ស ស្ថិតក្នុងភូមិអូរស្ពាន សង្កាត់មនោរម្យ ក្រុងសែនមនោរម្យ ខេត្តមណ្ឌលគិរី ។

សេចក្តីរាយការណ៍បានឲ្យដឹងថា ភ្លាមៗនោះនៅក្រោយពេលទទួលបានព័ត៌មាន កម្លាំងជំនាញនគរបាលព្រហ្ម ទណ្ឌ នៃស្នងការ ដ្ឋាននគរបាលខេត្តមណ្ឌលគិរី កម្លាំងជំនាញការិយាល័យបច្ចេកទេសនិងវិទ្យាសាស្រ្ត កម្លាំង ជំនាញ នៃអធិការដ្ឋាននគរបាលក្រុងសែនមនោរម្យ សហការជាមួយកម្លាំងប៉ុស្តិ៍នគរបាលរដ្ឋបាលស្ពានមាន ជ័យនិងមានការចូលរួមពីលោកអនុភូមិអូរស្ពាន។ ដឹកនាំដោយលោកវរសេនីយ៍ឯក ចំរើន.ភារុណ ស្នងការរង នគរបាលខេត្តមណ្ឌលគិរី បានចុះទៅដល់កន្លែងកើតហេតុដើម្បីធ្វើការត្រួតពិនិត្យសពផងដែរ កម្លាំងជំនាញ បានធ្វើការត្រួតពិនិត្យលើដងខ្លួនសាកសពផ្នែកក្បាល ផ្នែកដងខ្លួន និងផ្នែកអវយវៈ ពុំមានស្លាកស្នាមដាច់ ឬ រលាត់នៅលើសាកសពឡើយ ។

តាមការស្រាវជ្រាវ និងពិនិត្យជុំវិញកន្លែងកើតហេតុនិងប្រមូលព័ត៌មាន ឃើញថាពុំមានអ្វីគួឲ្យកត់សំគាល់ឡើយ
តាមការត្រួតពិនិត្យរបស់សមត្ថកិច្ចជំនាញសន្និដ្ឋានថា សពខាងលើពិតជាបានអ្វើអត្តឃាត ចង(ក) សម្លាប់ខ្លួន ឯងពិតប្រាកដមែន។ ហើយបើតាមការសាកសួរពីឪពុកម្ដាយនៃសព បានឆ្លើយបំភ្លឺប្រាប់ថា: មូលហេតុបណ្តាល ឲ្យកើតរឿងអកុ សលនេះឡើង ក៏ព្រោះសពកូន តូចចិត្តឪពុកម្តាយស្តីបន្ទោសរឿងការងារបោសសម្អាតផ្ទះ។