ក្លាយជាការងឿងឆ្ងល់យ៉ាងសម្បើមមួយកើតពេញចំណាប់អារម្មណ៍របស់មហាជន ខណៈដែលគេបានដឹង យ៉ាងច្បាស់ថា មានរថយន្តរបស់លោកស្នងការរងមួយរូបបានបុករ៉ូម៉កម៉ូតូដែលដឹកព្រះសង្ឃដែលធ្វើឲ្យព្រះ សង្ឃជាច្រើនអង្គបានរងរបួសយ៉ាងដំណំ ដោយឡែកតែលោកស្នងការរងរូបនោះគេសង្ស័យថាកំពុងស្ថិតនៅ ក្នុងស្ថានភាពស្រវឹងក្នុងពេលំពុងបើកបរផងនោះ បែរជាមានការលាក់បាំងមិនបង្ហើបព័ត៌មានឲ្យមហាជន បានដឹងឲ្យបានទូលំទូលាយ សោះទៅវិញ ។

តាមសេចក្តីរាយការណ៍បានឲ្យដឹងថា មានហេតុការណ៍មួយបានកើតឡើង កាលពីវេលាម៉ោង ១៧ និង ៥០ នាទីល្ងាច ថ្ងៃទី២០ ខែមេសា ឆ្នាំ២០២៤ ស្ថិតនៅលើផ្លូវទៅភ្នំបូក ត្រង់ចំណុចខាងកើតប្រាសាទបន្ទាយសំរ៉ែ ២០០ម៉ែត្រ ក្នុងឃុំព្រះដាក់ ស្រុកបន្ទាយស្រី ខេត្តសៀមរាប មានហេតុការណ៍គ្រោះថ្នាក់ចរាចរមួយដ៏រន្ធុត បានកើតឡើង ។

បើតាមសេចក្តីរាយការណ៍បន្តថា ម្ចាស់រថយន្តគឺលោកឧត្តមសេនីយ៍ត្រី ភឹង សម្បត្តិ មានតួនាទីជាស្នងការ រង ទទួលផែនដឹកនាំការិយាល័បច្ចេកទេស និងវិទ្យាសាស្ត្រ នៃស្នងការដ្ឋាននគរបាលខេត្តសៀមរាប បើក បររថយន្តម៉ាក Lexus RX 330 ពណ៌មាស ស្លាកលេខ ភ្នំពេញ 2AG-0486 ដោយគេសង្ស័យស្ថិតនៅក្នុងស្ថាន ភាពស្រវឹងជោគជាំ ក៏បានបោះពួយទៅបុករ៉ឺម៉ក ពណ៌ក្រហម អូសទាញដោយម៉ូតូ Honda Dream C125 ពណ៌ខ្មៅ មិនចាំផ្លាកលេខ ដែលកំពុងដឹកព្រះសង្ឃ និងជនបរទេស បណ្ដាលឱ្យរបួសធ្ងន់ស្រាល នៅលើ ផ្លូវយ៉ាង រ៉ូណូករ៉ូណែល ។

ព័ត៌មានបន្តដឹងថា រថយន្តរបស់លោកឧត្តមសេនីយ៍ត្រី និងរ៉ឺម៉កខាងលើបើកបរក្នុងទិសដៅពីកើតទៅលិច លុះមកដល់ត្រង់ចំណុចក្បែរផ្លូវចូលប្រាសាទបន្ទាយសំរ៉ែ ក៏បុកនិងរ៉ឺម៉កពេញទំហឹង រួចបន្តទៅបុកដើមត្រ សេកមួយដើមថែមទៀត ក្លាយជាគ្រោះថ្នាក់មួយបណ្ដាលឲ្យព្រះសង្ឃចំនួន៣អង្គ បុរសជនបរទេសម្នាក់ ដែលរួមដំណើរជាមួយ និងអ្នកបើកបររ៉ឺម៉កម្នាក់ រងរបួសធ្ងន់ស្រាល ។ បន្ទាប់ពីកើតហេតុ លោកឧត្តម សេនីយ៍ត្រី ភឹង សម្បត្តិ ស្នងការរងទទួលផែនដឹកនាំការិយាល័បច្ចេកទេស និងវិទ្យាសាស្ត្រ នៃស្នងការដ្ឋាន នគរបាលខេត្តសៀមរាប បានចុះពីលើរថយន្ត និងជួយពិនិត្យមើលអ្នករងរបួសសួរនាំ បន្ទាប់មករថយន្ត សង្គ្រោះក៏បាននាំអ្នករបួសទៅកាន់មន្ទីរពេទ្យដែរ ។

ករណីនេះ សារព័ត៌មានបានព្យាយាមទំនាក់ទំនង ទៅកាន់លោកវរសេនីយ៍ទោ សោម វីរ: នាយការិយាល័យ ចរាចរណ៍ផ្លូវគោក នៃស្នងការដ្ឋាននគរបាលខេត្តសៀមរាប ដើម្បីសុំការបំភ្លឺបន្ថែម ប៉ុន្តែពុំអាចទំនាក់ទំនង បានសោះនោះទេ នៅមុនម៉ោងផ្សាយនេះ ៕