ចឹងបានតែថាសង្គមផ្តល់ឲ្យមានសិទ្ធសេរី ក្លាយជារឿងដែលក្មេងស្ទាវបានដៃសប្បាយយ៉ាងគគ្លើនបែបទំនើង
ប្រមូលផ្តុំគ្នាជិៈម៉ូតូដង្ហែរទាំងយប់គ្មានកោតញញើតច្បាប់ ដែលជានិច្ចជាកាលក្មេងៗទាំងអស់នោះច្បាប់ក៏ មិនសូវជាបានដាក់ទោសទណ្ឌឲ្យបានធ្ងន់ធ្ងរអ្វីនោះដែរ ក៏ព្រោះតែការយោគយល់ ហើយក៏តែងតម្រូវឲ្យម្តាយ ឪពុកឬក៏អាណាព្យាបាលមកធ្វើការធានាដើម្បីយកទៅអប់រំ ប៉ុន្តែដោយឡែកតែពេលនេះវិញ គេបានដឹងថា ក្មេងស្ទាវមួយក្រុមគឺហាក់បីដូចជាសាហាវលើសពេលមុន នាំគ្នាជិៈម៉ូតូប្រដេញគ្នារហូតបានបណ្តាលឲ្យមន្ត្រី នគរបាលម្នាក់រងរបួសយ៉ាងធ្ងន់ធ្ងរទៀតផង ។

តាមសេចក្តីរាយការណ៏បានឲ្យដឹងថា ក្មេងស្ទាវមួយក្រុមមានគ្នា១២នាក់ ត្រូវបានកម្លាំងព្រហ្មទណ្ឌកម្រិត ស្រាលនៃស្នងការដ្ឋាននគរបាលរាជធានីភ្នំពេញបើកម៉ូតូប្រដេញក្រោយមកក៏មានក្រុមក្មេងស្ទាវមួយក្រុម បានជិះម៉ូតូប្រមូលផ្តុំគ្នាជាច្រើនគ្រឿងពេលជិះមកដល់ក្បែរវិមានឯករាជ្យ ស្រាប់តែឃើញសមត្ថកិច្ចពួកគេ ភ័យនាំគ្នាបើកម៉ូតូរត់គេចរហូតទៅបុកមន្រ្តីនគបាលម្នាក់នៅម្តុំមុខព្រះបរមរាជវាំងបណ្តាលឲ្យរងរបួសធ្ងន់ បញ្ជូនទៅមន្ទីរពេទ្យ ហើយពួកក្មេងស្ទាវទាំងនោះនៅមិនព្រមឈប់បានបន្តល្បឿនជិះរត់រហូតតាមឃាត់ បានជាច្រើននាក់នៅខណ្ឌដូនពេញ ហើយពួកគេបន្តជិះរត់គេចទៅមុខ ចំណែកឯបក្ខពួកជាច្រើននាក់ទៀត នៅតែបន្តជិះរត់កាត់តាមផ្លូវជាតិលេខ៤ ទៅដល់ខណ្ឌកំបូល ទើបសមត្ថកិច្ចឃាត់បាន។

ហេតុការណ៍នេះបង្កឧ្យមានការភ្ញាក់ផ្អើលឡើងកាលពីម៉ោង២និង៣០នាទីរំលងអធ្រាត្រ ឈានចូលថ្ងៃទី១៣ ខែមីនា ឆ្នាំ២០២៤ នៅចំណុចក្បែរវិមានឯករាជ្យ សង្កាត់ចតុមុខ ខណ្ឌដូនពេញ ព្រំប្រទល់ជាប់នឹងខណ្ឌបឹង កេងកង រាជធានីភ្នំពេញ។

ប្រភពព័ត៌មានពីសមត្ថកិច្ចបានឲ្យដឹងថា មុនពេលកើតហេតុដោយកម្លាំងសមត្ថកិច្ចបានជិះម៉ូតូល្បាតតាមភូមិ សាស្រ្តនានា នៅក្នុងរាជធានីភ្នំពេញ រួចក៏មកប្រចាំការនៅគោលដៅក្បែរវិមានឯករាជ្យ។ ក្រោយមកក៏មាន ក្រុមក្មេងស្ទាវមួយក្រុម បានជិះម៉ូតូប្រមូលផ្តុំគ្នាជាច្រើនគ្រឿងពេលជិះមកដល់ក្បែរវិមានឯករាជ្យ ស្រាប់តែ ឃើញសមត្ថកិច្ចពួកគេភ័យនាំគ្នាបើកម៉ូតូរត់គេច ។

បន្ទាប់ពីឃាត់បានក្មេងស្ទាវ១២នាក់ សមត្ថកិច្ចយើងបាននាំខ្លួនពួកគេយកទៅស្នងការដ្ឋាននគរបាលរាជធានី ភ្នំពេញ ដើម្បីសាកសួរបន្ត និងចាត់ការទៅតាមនីតិវិធី៕