ឯកឧត្តម ហួន ច័ន្ទថុន និយាយថា ថ្ងៃនេះ រូបខ្ញុំពិតជាមានសេចក្តីសោមនស្សរីករាយជាខ្លាំង ដោយបានឃើញ សារព័ត៌មាននៅក្នុងស្រុកបានធ្វើការផ្សាយអំពីសកម្មភាពរបាយការណ៍របស់កម្លាំងនាយកដ្ឋាននគរបាលព្រហ្មទណ្ឌ នៃអគ្គស្នងការដ្ឋាននគរបាលជាតិ ក្រសួងមហាផ្ទៃ ស្តីពីកិច្ចប្រតិបត្តការបង្ក្រាបករណីចាប់ជម្រិតជនជាតិចិន នៅក្រុងបាវិត ដែលដំបូងមានការផ្ទុះអាវុធជាច្រើនគ្រាប់ច្រឡំ ពេលនេះលែងច្រឡំហើយ សមត្ថកិច្ចបានឈានទៅដល់ការឃាត់ខ្លួនជនសង្ស័យជាជនវៀតណាម ប្រុស-ស្រីចំនួន១២នាក់ និងរំដោះជនរងគ្រោះដែលជាចំណាប់ខ្មាំងពីកណ្តាប់ដៃឧក្រិដ្ឋជនមកវិញ ដោយជោគជ័យទៀតផង ។

សូមជម្រាបថា កាលពីថ្ងៃទី២៧ ខែធ្នូ ឆ្នាំ២០២៤ កម្លាំងនាយកដ្ឋាននគរបាលព្រហ្មទណ្ឌ អគ្គស្នងការដ្ឋាននគរ បាលជាតិ បានទទួលពាក្យបណ្តឹងករណីចាប់ឃុំឃាំង និងបង្ខាំងដោយខុសច្បាប់មានស្ថានទម្ងន់ទោស នៅចំណុចសង្កាត់បាវិត ក្រុងបាវិត ខេត្តស្វាយរៀង ទៅលើជនរងគ្រោះឈ្មោះ CHEN YITONG ភេទប្រុស អាយុ២៥ ឆ្នាំ ជនជាតិចិន បង្កឡើងដោយជនមិនស្គាល់អត្តសញ្ញាណមួយក្រុមជិះរថយន្តម៉ាកស្តារិច ពណ៌.ស មិនស្គាល់ផ្លាកលេខ ។

ក្រោយពីទទួលបានពាក្យបណ្តឹងខាងលើនោះ ដោយអនុវត្តតាមបទបញ្ជារបស់ឯកឧត្តម ឧត្តមសេនីយ៍ឯក ង៉េង ជួ ប្រធាននាយកដ្ឋាននគរបាលព្រហ្មទណ្ឌ ដឹកនាំផ្ទាល់ដោយលោកឧត្តមសេនីយ៍ទោ ប៉ុល រតនា ឧត្តមសេនីយ៍ត្រី ហ៊ុន មុន្នីរ័ត្ន លោកវរសេនីយ៍ឯក ហែម បូណា និងវរសេនីយ៍ឯក ឆាន់ គីមលី អនុប្រធាននាយកដ្ឋាននគរបាលព្រហ្មទណ្ឌ បានសហការជាមួយកម្លាំងជំនាញស្នងដ្ឋាននគរបាលខេត្តស្វាយរៀង ចុះទៅដល់ទីតាំងកើតហេតុ ដើម្បីធ្វើការស្រាវជ្រាវ និងស៊ើបអង្កេត ករណីខាងលើនេះ ។

លុះថ្ងៃទី២៩ ខែធ្នូ ឆ្នាំ២០២៤ វេលាម៉ោង១២ និង០០នាទីរសៀល កម្លាំងជំនាញបានស្រាវជ្រាវរកឃើញជនរងគ្រោះ ដែលក្រុមជនសង្ស័យចាប់យកទៅបង្ខាំងចាក់សោរទុក នៅក្នុងផ្ទះជួលមួយកន្លែងស្ថិតនៅក្នុងភូមិតាពៅ សង្កាត់បាវិត ខេត្តស្វាយរៀង និងបានឃាត់ខ្លួនជនសង្ស័យជាបន្តបន្ទាប់ចំនួន១២ នាក់រួមមាន ៖

ឯកឧត្តមហួន ច័ន្ទថុន និយាយថា យើងទាំងអស់គ្នាមានសេចក្តីសុខ និងការរស់នៅប្រកបដោយភាពសុខដុម ក៏ដោយសារយើងមានសន្តិភាព ហើយសន្តិភាពនោះទៀតសោតក៏អាចនឹងទទួលបានប្រសិទ្ធភាព ក៏លុះណាតែ សង្គមយើងនេះ មានច្បាប់ដែលជារបងការពារយ៉ាងរឹងមាំ ក្នុងន័យនេះ រូបខ្ញុំសូមអរគុណបងៗសមត្ថកិច្ចទាំងអស់ ដែលខិតខំចំណាយពេលវេលា និងកម្លាំងកាយចិត្ត ដើម្បីថែរក្សាការពារសង្គមឲ្យបានសុខសាន្តល្អ នេះក៏ជាមោទនភាពសម្រាប់សង្គមរបស់យើងផងដែរ ៕