កាលពីថ្ងៃទី២០ ខែមករា ឆ្នាំ២០២៤ ម្សិលមិញ ស្ថិតភូមិមិត្តភាព សង្កាត់ប៉ោយប៉ែត ក្រុងប៉ោយប៉ែត ខេត្តបន្ទាយ មានជ័យ បានស្រាវជ្រាវនិងកំណត់មុខសញ្ញា និងបានចុះប្រតិបត្តិការបង្ក្រាបចំនួន២កន្លែង ឃាត់ខ្លួនចំនួន១៣ នាក់ ក្នុងនោះមានស្រី២នាក់ជួញដូរ និងចែកចាយគ្រឿងញៀនចំនួន២១ថង់។

នៅទីតាំងទី១ ជាលទ្ធផល សមត្ថកិច្ចឃាត់ជនសង្ស័យម្នាក់ឈ្មោះ ស៊ុន ពិសិដ្ឋ ភេទប្រុស អាយុ៣៦ឆ្នាំ រស់នៅភូមិ មិត្តភាព សង្កាត់ប៉ោយប៉ែត ក្រុងប៉ោយប៉ែត ដោយបានដកហូតរត្ថុតាងគ្រឿងញៀនប្រភេទម្សៅក្រាមសថ្លា ២ ថង់ធំ និងថ្នាំញៀនគ្រាប់ពណ៌ក្រហម១ថង់ធំ និងឃាត់ខ្លួនអ្នកប្រើប្រាស់ចំនួន៥នាក់ក្នុងនោះស្រីម្នាក់។

ដោយឡែកទីតាំងទី២ ជាលទ្ធផលសមត្ថកិច្ចឃាត់ខ្លួនជនសង្ស័យឈ្មោះ ធឿន រឿត ភេទស្រី អាយុ៤២ឆ្នាំ រស់ នៅភូមិជាមួយគ្នាដកហូតគ្រឿងញៀនប្រភេទម្ស៉ៅក្រាមសថ្លា១ថង់ធំនិង២១ថង់តូចនិងជញ្ជីងថ្លឹងគ្រឿងញៀន១គ្រឿងនិងឃាត់ខ្លួនជនប្រើប្រាស់ចំនួន៨នាក់។

ក្រោយឃាត់ជនសង្ស័យប្រុសស្រី១៣នាក់និងគ្រឿងញៀន២៥ថង់មាន៤ថង់ធំនិង២១ថង់តូច សមត្ថកិច្ចសម្រេច បញ្ជូនជនសង្ស័យទាំងអស់មកស្នងការដ្ឋាននគរបាលខេត្តបន្ទាយមានជ័យ ដើម្បីសាកសួរបន្ថែម បើតាមចម្លើយ សារភាព មាន២នាក់ជាអ្នកជួញដូរ និងចែកចាយគ្រឿងញៀននិង១១នាក់ជាអ្នកប្រើប្រាស់គ្រឿងញៀន ។

ទោះជាយ៉ាងណាក្តី នៅក្រោយពីការសាកសួរហើយនោះ សមត្ថកិច្ចបានកសាងសំណុំរឿងបញ្ជូនទៅសាលា ដំបូងខេត្តបន្ទាយមានជ័យ ដើម្បីអនុវត្តតាមនីតិវិធីច្បាប់៕